Në vazhdimin e seancës ndaj Salih Mustafës, i cili është duke u dënuar për krime luftë në Zllatar, mbrojtësja e viktimave ka replikuar në lidhje me pyetjet të cilat pala mbrojtëse është duke i bërë, shkruan arbresh.info.

“A mund ta pyesim dëshmitarin se për sa kohë dëshiron të shkoj i akuzuari në burg, nuk është një pyetje që mbrojtja apo dikush tjetër do të donte ta bënte, e njëjta gjë mund të thuhet në rastin e kompensimit që dikush pret të marr”,ka thënë  mbrojtësja e viktimave.

Tutje ka vazhduar avokati mbrojtës, i cili ka kërkuar që të shkojë në seancë private për të vazhduar pyetjet.

Kujtojmë,  se aktakuza ndaj ish-pjesëtarit të Ushtrisë Çlirimtare të Kosovës (UÇK), Salih Mustafa, është konfirmuar më 12 qershor 2020“Aktakuza e konfirmuar përcakton se afërsisht midis 1 prillit 1999 dhe 19 prillit 1999, në një kompleks ndalimi në Zllash, Kosovë, u kryen krimet e ndalimit arbitrar, trajtimit mizor dhe të torturës kundër të paktën gjashtë personave. Gjithashtu, në aktakuzë thuhet se në një datë midis 19 prillit 1999, ose rreth kësaj date, dhe rreth fundit të prillit 1999, në atë vendndodhje u vra një i ndaluar”, ka njoftuar Gjykata Speciale përmes një komunikate./arbresh.info/